+- المفيـد (https://allmofid.com)
+-- قسم : منتديات المهاجرين (https://allmofid.com/forumdisplay.php?fid=9)
+--- قسم : مجلس المهاجرين والطامحين في الهجرة (https://allmofid.com/forumdisplay.php?fid=10)
+---- قسم : قسم المواضيع الممتازة المفيدة (https://allmofid.com/forumdisplay.php?fid=144)
+---- الموضوع : قصتي الكاملة لحصولي على فيزا DVL2014 حصري لمنتدى النجووم (/showthread.php?tid=1297)
قصتي الكاملة لحصولي على فيزا DVL2014 حصري لمنتدى النجووم - fillou - 05-04-2014
[size=large]
السلام عليكم و رحمة الله تعالى و بركاته
انا اخوكم عبد المؤمن من قسنطينة , الحمد لله خاوتي يوم الأربعاء 30 أفريل 2014 تحصلت على "فيزا غرين كارد" . حبيت ندير هدا الموضوع باه نفيد الناس و ما يطيحوش في نفس الغلطات لي درتهم . بسم الله بدأنا :
- سجلت في القرعة مرتين و الحمد لله صلحت في المرة الثانية DVL2014
- قمت بارسل الأوراق لمركز كنتاكي عبر DHL لكن لم اضع عنوان اي شخص في الخانة بخصوص الضامن فقط قلت بلي يوم المقابلة نجيبها معي . بهده العبارة : will be provided to the interview date
- كيزنامبر تاعي في حدود27ْْXXX و حسب الجدول كان احتمال المقابلة بين شهري مارس و افريل 2014
- كان جواز السفر منتهي الصلاحية و لابد من تجديده لكن كيما يقولو لورق تاعو ضرحوني و استهزيتلو . في 23 مارس دفعتو زعما معريفة على اساس بيوميتري في 20 يوم يوجد .
- يوم 30 مارس المفاجئة . جاني اتصال من السفارة باللغة الفرنسية قالي بلي موعد نتاعك يوم 2 افريل 2014 راح نبدلهولك باه ما تشقاش هههههه قتلو ما علاباليش بالموعد هدا . قالي كون شفت لابوات ايميل تاعك بعد اخد و رد و قتلو بلي جددت الباسبور .. قالي ماهوش مشكل تاعي و راح نعطيك اخر اجل يوم 30 افريل على 8:30 جيب معاك كلش . كي عاودت شفت لابوات ايميل لقيت بلي الموعد بعتوهولي في 12 فيفري اي اكثر من شهر و نصف قبل الموعد ( الناس ما يلعبوش يعطيك وقت كافي لتجهيز كل شيء )
- بعد علمي بالموعد بدأت بماراطون تجهيز الأوراق , بدا بالباسبور يوم يوم 13 افريل دهبت لاستلامه لكن فوجئت بعدم جاهزيته فقررت استبداله بباسبور كلاسيكي مع تبرير دلك بقرب موعد المقابلة ’ بعد 3 ايام عدت و استلمته لكن ينتهي في ديسمبر 2015
- بعدها قمت بعملية التلقيح و دائما بالمعريفة و صحانية الوجه . في حين عيادة الازهار لم استطع الاتصال بهم عبر الهاتف و لبعد المسافة اتصلت ب صديق يعمل في العاصمة شقالهم و حكملي موعد يوم 22 افريل . دهبت و قمت بالفحوصات اللازمة مع اخد جميع الاوراق . خلصت 6850 دج. عدت بعد الظهيرة لاستلام مغلف كبير و يخبرك بعدم فتحه .... ملاحظة هامة : انصحكم بالتلقيح قبل المجيئ لأن اي تلقيح ناقص يديره ب الدراهم حوالي 1500 دج
- في الاسبوع الاخير قمت باعادة الاتصال بالضامن لي وعدني من قبل لكن بدون جدوى و حسب تجارب الاعضاء من قبل قررت ايجاد عنوان فقط و تعويض الضامن برصيد بنكي بالعملة الصعبة
الحمد لله لقيت صديق طلبت منو مدلي عنوان + واش يعمل + وكتاه دخل لامريكا + رقم الهاتف
اما بخصوص الرصيد البنكي فبقدرة الخالق استطعت جمع 4000 اورو .... ملاحظة هامة : انصكم بعدم سلك طريق الربا : كاين لي يكريلاك بعد 48 ساعة تردهوملو + فايدتو . ناس تربي ولات ما تفرقش بين الحلال و الحرام .
- وجدت كل الاوراق المطلوبة قبل يومين , يوم الاربعاء 30 افريل 2014 على الساعة 3 صباحا انطلقت بالسيلرة مع صديقي و مع الازدحام و عدم معرفتي الدقيقة بمكان القنصلية تاخرت ووصلت على الساعة 9:15 ’ دخلت فاراد الحارس الاستفسار فقلت له انه لدي معد على الساعة 8:30 فطلب مني الاسراع . الشباك الاول يطلب منك موعد المقابلة + بطاقة التعريف وو عطاني بادج دخلت به
بعدها سكانير و اجراءات امنية .... بعدها وصلت لقاعة المقابلة حيث وجدتها مملوءة . اخدت مني الموظفة الباسبور و عطاتني ورقة لترتيب الاوراق المطلوبة : شهدة الباكالوريا + شهادة الميلاد + شهدة اعفاء او تاجيل للخدمة الوطنية + شهادة عمل ان وجدت + اوراق الضامن + رصيد بنكي + صورتين ( مع الترجمة و صورة طبق الاصل ) . ثم تنتظر حتى ينادولك عبر مكبر الصوت من احد الشبابيك الخاصة .
- بعد حوالي 45 دقيقة حان دوري فدهبت للشباك مع اخد الاوراق مرتبة + مغلف عيادة الازهار فطلبت مني ان اسلمها الاوراق بعدها اخرجت لي اوراق التي بعثتها لكنتاكي فقالت لي هل تريد تغيير او اضافة . فقلت لها نعم
فاضفت الاسم الكامل لصديقي + العنوان + رقم الهاتف . بعدها سالتني هل انا غير متزوج و هل لدي اولاد ..... كان الحديث بالفرنسية بعدها طلبت مني الانتظار
- نادوني مرة اخرى و هده المرة من اجل تسديد المبلغ المطلوب 28050 دج . ثم الرجوع و الانتظار
- هده المرة ناداني رجل امريكي دو شعر طويل فبادرتة بالتحية بالفرنسية فرد علي بفرنسية منكسرة ثم تكلم معي بالانجليزية و استفسر هل استطيع التحدث بها فقلت له نعم لكن بمستوى متوسط فابتسم معي و اخد بصماتي عبر السكانير و طلب مني الانتظار في القاعة
- نادوني مرة اخرى و هده المرة فتاة جميلة كي شفتها طلعلي مورال فتحدثنا بالفرنسية :
طلبت مني رفع يدي و ان اقسم بان كل شيء مكتوب او ساقوله صحيح . فقمت بما يجب و نا نقول في قلبي القسم تاعكم ناس ملاح و ساهل كون جات فيزا يمدوها كي تحلف هكا كون درك الشعب الجزايري كامل عطاها هههههه
بعدها سألتني الأسئلة التالية : وكتاه ديت باك ؟ وش درت بيه ؟ وين رايح ؟ عند شكون ؟ و لاكان عنك واحد من العايلة لتم ؟ و واكتاه راح لأمريكا ؟ و واش يخدم ؟
هدا ماكان بعد وليت استنيت 5 دقائق و نادتني واحدة خلاف هنأتني و قاتلي بعد 15-20 يوم يجيك عبر UPS باسبور و فيه فيزا تع 6 اشهر لازم ندخل فيها لامريكا و قاتلي تاني مغلف لي يمدوهولك ما تحلوش و ما تحطوش مع الحقائب خليه معاك كي توصل ام يوجهوك لتم .
![[صورة: 895.JPG]](http://3.bp.blogspot.com/_a59clRPZlDI/SUzKHK9kk1I/AAAAAAAAADc/yzSXFE6rXgM/S1600-R/895.JPG)
نصيحة : توكلوا على ربي و ما تستهزاوش على لورق و وجدو كلش قبل الوقت , يوم المقابلة البس مليح و ديما تضحك (مبتسم) و احفظ الدرس مليح واش راح تقول فبل ما تروح .... بخصوص اللغة ماهيش مشكل المهم ما تقلقوش و الله ما كان حاجة .
خاوتي طولت عليكم , الحمد لله على كل شيء ادعولنا معاكم برك و مبروك على لي ربحوا في DVL2015 و لعقوبة لي مازالو ان شاءلله
Re: قصتي الكاملة لحصولي على فيزا DVL2014 حصري لمنتدى النجووم - dischtroumpf - 05-04-2014
Barak Allah fika akhi ya khouya sa fais plaisir qui edite elvisa vraiment sa fais chaid ai cœur belbaraka ou inchallah anrouhou camel wenetlakaw fi les USA
Re: قصتي الكاملة لحصولي على فيزا DVL2014 حصري لمنتدى النجووم - choukas - 05-04-2014
مشكور أخي fillou و ربي يوفقك لكل ما فيه خير
Re: قصتي الكاملة لحصولي على فيزا DVL2014 حصري لمنتدى النجووم - didi - 05-04-2014
alf mabrok khouya ,w rabi ysahelek nchalah
khouya 7ab nsaksik 3la l passport srali nefs l probleme kima nta
bkali 27 jours 3la l'interview ki ro7t sba7 l la daira galouli mazelek deux mois beche youjed
est ce que nakder nbedlou b passport normal w nannuler passeport l biometrique
Re: قصتي الكاملة لحصولي على فيزا DVL2014 حصري لمنتدى النجووم - katiakatia - 05-04-2014
rabi yssahlelk wa la3kouba lina nchalah
Re: قصتي الكاملة لحصولي على فيزا DVL2014 حصري لمنتدى النجووم - wahat23 - 05-04-2014
شكرا على هذه المعلومات القيمة وبالتوفيق إن شاء الله
Re: قصتي الكاملة لحصولي على فيزا DVL2014 حصري لمنتدى النجووم - fillou - 05-04-2014
ybaraak fikom , khoya Choukas mciii 3lik
Re: قصتي الكاملة لحصولي على فيزا DVL2014 حصري لمنتدى النجووم - fillou - 05-04-2014
didi كتب :alf mabrok khouya ,w rabi ysahelek nchalah
khouya 7ab nsaksik 3la l passport srali nefs l probleme kima nta
bkali 27 jours 3la l'interview ki ro7t sba7 l la daira galouli mazelek deux mois beche youjed
est ce que nakder nbedlou b passport normal w nannuler passeport l biometrique
khoya dir kima dert ana , adilhom RDV w timbre te3 2000 da w golelhom 7ab ndir changement de type 9bal ma yadkhol passeport biometrique en production . w rabi ysahal nchallah
Re: قصتي الكاملة لحصولي على فيزا DVL2014 حصري لمنتدى النجووم - ridharezzag - 05-04-2014
شكرا على الموضوع المفيد جدا بارك الله فيك يا ريت كل واحد يفيدنا مثل ما فعلت بقصته شكرا مجددا للنشر على الفيسبوك ان شاء الله
Re: قصتي الكاملة لحصولي على فيزا DVL2014 حصري لمنتدى النجووم - fillou - 05-04-2014
de rien khoya redha khirak sba9 , tasba7 3la khir
Re: قصتي الكاملة لحصولي على فيزا DVL2014 حصري لمنتدى النجووم - Edward1000 - 05-05-2014
شكرا أخي
التوفيق ان شاء الله
Re: قصتي الكاملة لحصولي على فيزا DVL2014 حصري لمنتدى النجووم - saboha abdasalem - 05-05-2014
مبروك عليك الفيزا و العقوبة للي باقيين ان شاء الله <!-- s
--><img src="{SMILIES_PATH}/icon_e_smile.gif" alt="" title="مبتسم" /><!-- s -->
Re: قصتي الكاملة لحصولي على فيزا DVL2014 حصري لمنتدى النجووم - USA_Dz - 05-05-2014
belbaraka 3lik hbibna wrabi ysahal inchallah
Re: قصتي الكاملة لحصولي على فيزا DVL2014 حصري لمنتدى النجووم - ousseng - 05-05-2014
مبرووك عليك خوياا ..
أنا 4 مرات أسجل و لكن بدون جدوى :'( .. الحمد لله على كل حال و سأسجل في DVL2016 إن شاء الله و رح نبقى نسجل ههههههه
لكن لذي سؤالين .. الأول بخصوص القرعة كاين لي يقولك فيها سحب ثاني في 01 سبتمبر و قريت موضوع واحد مغربي كان Hasnot been selected >_< و في 01 سبتمبر تغيرت النتيجة . هل هذا صحيح ؟؟
و الثاني بخصوص الزواج أنا أعرف شخص تحصل على الغرين كارد و ماراحش حتى عقد و أخد زوجته معه ( بعد ما خرجت النتيجة عقد ) أريد شرح بخصوص هاته القضية
و شكراا جزيلا لكم جميعا .
Re: قصتي الكاملة لحصولي على فيزا DVL2014 حصري لمنتدى النجووم - fouiny mano - 05-05-2014
مشكور على الموضوع و الله يوفقك