دخول

somia · 07-14-2014, 03:55 AM

حبيبتي نجمة سامحيني على التأخير
*المقادير
2كيلات سميد خشين
1كيلة سكر عادي
1/2كيلة سمن
1/2 كيلة ماء الزهر
ملعقة صغيرة قرفة
ماء (حسب نوعية السميد لانو كاين اللي يشرب وكاين اللي لا )
*الحشو
كيلة معمرة مليح لوز او كاوكاومرحي خشين
1/2 كيلة سكر
1/2 ملعقة قرفة مطحونة
ونرش بماء الزهر
*الطريقة
في وعاء نخلط جيدا السميد والسكر والقرفة ثم نزيد السمن الذائب ونحكو مليح بايدنا ثم نبدأ باضافة ماء الزهر لحين عندما نشكل كورة لازم تكون متماسكة .
من جهة اخرة نخلط مقادير الحشو التي سبق وذكرناها (اللوز+سكر +قرفة +ماء الزهر )
نقسم العجين الى قسمين نفرشه في صينية مدهونة بالزبدة ثم اللوز ثم الطبقة الاخيرة
بعدين نحاول نسطح الخليط بدون الظغط عليه حتى من بعد الطياب ميجيناش معجن والطريقة هي (نغمس ملقة كبيرة في الماء ثم نمسح السطح )ثم نقسم الى قطع ونزينهم بحبات اللوز ثم ندخلها الفرن
نخليها طيب في عقلها تقريبا 50 دقيقة اختي متتقلقيش عليها باش تخرج لك مليحة
*الشاربات
500غ سكر
1 لتر ماء وعصير 1/2 ليمون او قطرات ماء الزهر
عند الغليان نحسب 15 دقيقة ونطفئ
انا كي مانديرها نخليها تبات واليوم الاخر نقضو عليها هههههه
ملاحظة المقادير تختلف حسب حجم الصينية اللي عندك
وختاما حبيبتي نجمة نتمنالك تنجحي فيها ومتنسيش تسلميلي على الكتكوتة
ارجوكي ادا في اي استفسار انا هنا

دخول
إسم المستخدم
كلمة المرور :	فقدت كلمة المرور ؟
	تذكرني بالمرة القادمة