الاخوة هل تصادفتم مع هذي البشر

[hussaisha]

[center]

الاخوة هل تصادفتم مع هذي البشر تلقاه يهدر فيك للناس ويكذب ويقولهم المهاجر فلان متكبر وزواخ غير باش يونس روحه وانت عمرك ولا شفته ولا اسمعت بيه ولا درت له اي شيئ برك غير هكذا موسوس وحده ما اكثرهم هذي الحكيات احكاوهملي بعض الاصحاب لي نزلوا زيارات للبلاد وتفاجؤا بانقلاب بعض اصحابه عليهم بدون اي سبب انا الحمدلله ما صراتليش في ارض الواقع في غرداية الا واحد صديقي سلفي ماقلهاليش مباشرة ولكن بعد ما سلمت عليه والاخوة وقعدنا مقصرين هو اتسلت عمبالي عادي قتله فلان اني مطول في غرداية راك هنا نقصروا ان شاء الله كي العوايد ايا هو ما شافش في وقال ايه يعني سقدني ولكن الحمدلله من هجررة تطورت قدراتي في لغة الجسد كثيرا وربما اضعافا حتى انني تعلمت التوسم واصبحت اقرا الحركات المهم بقيت الاحضه كل ما نجي للجماعة يهرب بطريقة ما تاكدت من الامر ورحت له قتله انا نعرفك سلفي ولكن علاه راك تقاطع في ولا ترد السلام ما حبش يوضح قتله ان متاكد انه بسبب فتوى الشيخ فلان انني اعيش في بلاد الكفار المهم ووقع نقاش بيننا ولم يقدر على المواجه المهم خليته ايامات ومن بعد بشوي بشوي والف ولا يتكلم معي ولكن لم نعد كما كنا من قبل هو يحبني فقط لما اغير على الدين لهذا عاود فكر وتراجع عن تصرفاته هذا الوحيد لي صرالي معاه شبه مشكل اما كل الناس يحترمونني لدرجة لا اصدقها حتى قبل الهجرة ولما هاجرت كل ابناء حومتي يسالون عني حتى حسسوني اني ناس ملاح :v ولكن في الفيسبوك مارت يخرج لي ذراري يقولي نكرهك مش كثر طبعا قلال كي شغل انا اني نبكي ليل نهار على كرهه لي البارح بنت لقيتها تقول انها لا تحبني لا اتفاجأ عادي :v سيدتي جميلة الجمبلات لا يهمني رايك والله المشكلة والله انكم تمرضوا انفسكم بالطاقة السلبة هذه وتؤذون انفسكم دون ان تعلموا ما اعلابليش قع واش السبة ومرات يجيني واحد يقولي اسمحلي والله كنت اسيئ بك الضن وحاسبك متكبر او سيئ وانا والله ما نعرفه نقوله ياخويا سماح كي العسل ولكن كاين بعض الشباب قلوبهم طيبة يحب يجي يقولي اني ضلمتك في غيبتك باش يطهر نفسه هذه الحكاية لمناقشة الموضوع ومن اراد مناقشة الموضوع على المنتدى ايضا يتفضل على الرابط اسمعونا قصصكم من فضلكم ولاد البلاد ما تتقلقوش ماراناش عليكم قع ولكن انتم تصدقونني انه كاين هذو العباد وممكن انت مش مهاجر وتصرالك ...[/center]

السلام عليكم خويار رضا ماشي اللي داير لحية ولابس قميص معنتها سلفي ..هاذا سميه بولحية..واما السلفي ماشي هذي هي اخلاقهم ...اهل السنة الحق يطلبون العلم يوجهون الناس بحلم وحب ماشي بكره.. اهل السنة اعلم بالحق وأرحم بالخلق...غالب الناس اللي يقولك انا سلفي ماتلقى فيه ولا صفة من السلف الا القليل منهم ....ويقول انا سلفي...السلف الحق راهم فالكتب كيما كتاب سير اعلام النبلاء للامام الذهبي....روح اقرا وردلي الخبر ولا قارن بهادوك واللي قال بلي انا سلفي رايح تشوف الفرق اكيد...الله يوفقك للخير خويا رضا..راني قريب نجي لtampa نزورك <!-- s --><img src="{SMILIES_PATH}/icon_e_smile.gif" alt="" title="مبتسم" /><!-- s -->