05-04-2014, 07:19 PM
(آخر تعديل لهذه المشاركة: 05-31-2015, 05:12 AM بواسطة ridharezzag.)
[size=large]
السلام عليكم و رحمة الله تعالى و بركاته
انا اخوكم عبد المؤمن من قسنطينة , الحمد لله خاوتي يوم الأربعاء 30 أفريل 2014 تحصلت على "فيزا غرين كارد" . حبيت ندير هدا الموضوع باه نفيد الناس و ما يطيحوش في نفس الغلطات لي درتهم . بسم الله بدأنا :
- سجلت في القرعة مرتين و الحمد لله صلحت في المرة الثانية DVL2014
- قمت بارسل الأوراق لمركز كنتاكي عبر DHL لكن لم اضع عنوان اي شخص في الخانة بخصوص الضامن فقط قلت بلي يوم المقابلة نجيبها معي . بهده العبارة : will be provided to the interview date
- كيزنامبر تاعي في حدود27ْْXXX و حسب الجدول كان احتمال المقابلة بين شهري مارس و افريل 2014
- كان جواز السفر منتهي الصلاحية و لابد من تجديده لكن كيما يقولو لورق تاعو ضرحوني و استهزيتلو . في 23 مارس دفعتو زعما معريفة على اساس بيوميتري في 20 يوم يوجد .
- يوم 30 مارس المفاجئة . جاني اتصال من السفارة باللغة الفرنسية قالي بلي موعد نتاعك يوم 2 افريل 2014 راح نبدلهولك باه ما تشقاش هههههه قتلو ما علاباليش بالموعد هدا . قالي كون شفت لابوات ايميل تاعك بعد اخد و رد و قتلو بلي جددت الباسبور .. قالي ماهوش مشكل تاعي و راح نعطيك اخر اجل يوم 30 افريل على 8:30 جيب معاك كلش . كي عاودت شفت لابوات ايميل لقيت بلي الموعد بعتوهولي في 12 فيفري اي اكثر من شهر و نصف قبل الموعد ( الناس ما يلعبوش يعطيك وقت كافي لتجهيز كل شيء )
- بعد علمي بالموعد بدأت بماراطون تجهيز الأوراق , بدا بالباسبور يوم يوم 13 افريل دهبت لاستلامه لكن فوجئت بعدم جاهزيته فقررت استبداله بباسبور كلاسيكي مع تبرير دلك بقرب موعد المقابلة ’ بعد 3 ايام عدت و استلمته لكن ينتهي في ديسمبر 2015
- بعدها قمت بعملية التلقيح و دائما بالمعريفة و صحانية الوجه . في حين عيادة الازهار لم استطع الاتصال بهم عبر الهاتف و لبعد المسافة اتصلت ب صديق يعمل في العاصمة شقالهم و حكملي موعد يوم 22 افريل . دهبت و قمت بالفحوصات اللازمة مع اخد جميع الاوراق . خلصت 6850 دج. عدت بعد الظهيرة لاستلام مغلف كبير و يخبرك بعدم فتحه .... ملاحظة هامة : انصحكم بالتلقيح قبل المجيئ لأن اي تلقيح ناقص يديره ب الدراهم حوالي 1500 دج
- في الاسبوع الاخير قمت باعادة الاتصال بالضامن لي وعدني من قبل لكن بدون جدوى و حسب تجارب الاعضاء من قبل قررت ايجاد عنوان فقط و تعويض الضامن برصيد بنكي بالعملة الصعبة
الحمد لله لقيت صديق طلبت منو مدلي عنوان + واش يعمل + وكتاه دخل لامريكا + رقم الهاتف
اما بخصوص الرصيد البنكي فبقدرة الخالق استطعت جمع 4000 اورو .... ملاحظة هامة : انصكم بعدم سلك طريق الربا : كاين لي يكريلاك بعد 48 ساعة تردهوملو + فايدتو . ناس تربي ولات ما تفرقش بين الحلال و الحرام .
- وجدت كل الاوراق المطلوبة قبل يومين , يوم الاربعاء 30 افريل 2014 على الساعة 3 صباحا انطلقت بالسيلرة مع صديقي و مع الازدحام و عدم معرفتي الدقيقة بمكان القنصلية تاخرت ووصلت على الساعة 9:15 ’ دخلت فاراد الحارس الاستفسار فقلت له انه لدي معد على الساعة 8:30 فطلب مني الاسراع . الشباك الاول يطلب منك موعد المقابلة + بطاقة التعريف وو عطاني بادج دخلت به
بعدها سكانير و اجراءات امنية .... بعدها وصلت لقاعة المقابلة حيث وجدتها مملوءة . اخدت مني الموظفة الباسبور و عطاتني ورقة لترتيب الاوراق المطلوبة : شهدة الباكالوريا + شهادة الميلاد + شهدة اعفاء او تاجيل للخدمة الوطنية + شهادة عمل ان وجدت + اوراق الضامن + رصيد بنكي + صورتين ( مع الترجمة و صورة طبق الاصل ) . ثم تنتظر حتى ينادولك عبر مكبر الصوت من احد الشبابيك الخاصة .
- بعد حوالي 45 دقيقة حان دوري فدهبت للشباك مع اخد الاوراق مرتبة + مغلف عيادة الازهار فطلبت مني ان اسلمها الاوراق بعدها اخرجت لي اوراق التي بعثتها لكنتاكي فقالت لي هل تريد تغيير او اضافة . فقلت لها نعم
فاضفت الاسم الكامل لصديقي + العنوان + رقم الهاتف . بعدها سالتني هل انا غير متزوج و هل لدي اولاد ..... كان الحديث بالفرنسية بعدها طلبت مني الانتظار
- نادوني مرة اخرى و هده المرة من اجل تسديد المبلغ المطلوب 28050 دج . ثم الرجوع و الانتظار
- هده المرة ناداني رجل امريكي دو شعر طويل فبادرتة بالتحية بالفرنسية فرد علي بفرنسية منكسرة ثم تكلم معي بالانجليزية و استفسر هل استطيع التحدث بها فقلت له نعم لكن بمستوى متوسط فابتسم معي و اخد بصماتي عبر السكانير و طلب مني الانتظار في القاعة
- نادوني مرة اخرى و هده المرة فتاة جميلة كي شفتها طلعلي مورال فتحدثنا بالفرنسية :
طلبت مني رفع يدي و ان اقسم بان كل شيء مكتوب او ساقوله صحيح . فقمت بما يجب و نا نقول في قلبي القسم تاعكم ناس ملاح و ساهل كون جات فيزا يمدوها كي تحلف هكا كون درك الشعب الجزايري كامل عطاها هههههه
بعدها سألتني الأسئلة التالية : وكتاه ديت باك ؟ وش درت بيه ؟ وين رايح ؟ عند شكون ؟ و لاكان عنك واحد من العايلة لتم ؟ و واكتاه راح لأمريكا ؟ و واش يخدم ؟
هدا ماكان بعد وليت استنيت 5 دقائق و نادتني واحدة خلاف هنأتني و قاتلي بعد 15-20 يوم يجيك عبر UPS باسبور و فيه فيزا تع 6 اشهر لازم ندخل فيها لامريكا و قاتلي تاني مغلف لي يمدوهولك ما تحلوش و ما تحطوش مع الحقائب خليه معاك كي توصل ام يوجهوك لتم .
![[صورة: 895.JPG]](http://3.bp.blogspot.com/_a59clRPZlDI/SUzKHK9kk1I/AAAAAAAAADc/yzSXFE6rXgM/S1600-R/895.JPG)
نصيحة : توكلوا على ربي و ما تستهزاوش على لورق و وجدو كلش قبل الوقت , يوم المقابلة البس مليح و ديما تضحك (مبتسم) و احفظ الدرس مليح واش راح تقول فبل ما تروح .... بخصوص اللغة ماهيش مشكل المهم ما تقلقوش و الله ما كان حاجة .
خاوتي طولت عليكم , الحمد لله على كل شيء ادعولنا معاكم برك و مبروك على لي ربحوا في DVL2015 و لعقوبة لي مازالو ان شاءلله
السلام عليكم و رحمة الله تعالى و بركاته
انا اخوكم عبد المؤمن من قسنطينة , الحمد لله خاوتي يوم الأربعاء 30 أفريل 2014 تحصلت على "فيزا غرين كارد" . حبيت ندير هدا الموضوع باه نفيد الناس و ما يطيحوش في نفس الغلطات لي درتهم . بسم الله بدأنا :
- سجلت في القرعة مرتين و الحمد لله صلحت في المرة الثانية DVL2014
- قمت بارسل الأوراق لمركز كنتاكي عبر DHL لكن لم اضع عنوان اي شخص في الخانة بخصوص الضامن فقط قلت بلي يوم المقابلة نجيبها معي . بهده العبارة : will be provided to the interview date
- كيزنامبر تاعي في حدود27ْْXXX و حسب الجدول كان احتمال المقابلة بين شهري مارس و افريل 2014
- كان جواز السفر منتهي الصلاحية و لابد من تجديده لكن كيما يقولو لورق تاعو ضرحوني و استهزيتلو . في 23 مارس دفعتو زعما معريفة على اساس بيوميتري في 20 يوم يوجد .
- يوم 30 مارس المفاجئة . جاني اتصال من السفارة باللغة الفرنسية قالي بلي موعد نتاعك يوم 2 افريل 2014 راح نبدلهولك باه ما تشقاش هههههه قتلو ما علاباليش بالموعد هدا . قالي كون شفت لابوات ايميل تاعك بعد اخد و رد و قتلو بلي جددت الباسبور .. قالي ماهوش مشكل تاعي و راح نعطيك اخر اجل يوم 30 افريل على 8:30 جيب معاك كلش . كي عاودت شفت لابوات ايميل لقيت بلي الموعد بعتوهولي في 12 فيفري اي اكثر من شهر و نصف قبل الموعد ( الناس ما يلعبوش يعطيك وقت كافي لتجهيز كل شيء )
- بعد علمي بالموعد بدأت بماراطون تجهيز الأوراق , بدا بالباسبور يوم يوم 13 افريل دهبت لاستلامه لكن فوجئت بعدم جاهزيته فقررت استبداله بباسبور كلاسيكي مع تبرير دلك بقرب موعد المقابلة ’ بعد 3 ايام عدت و استلمته لكن ينتهي في ديسمبر 2015
- بعدها قمت بعملية التلقيح و دائما بالمعريفة و صحانية الوجه . في حين عيادة الازهار لم استطع الاتصال بهم عبر الهاتف و لبعد المسافة اتصلت ب صديق يعمل في العاصمة شقالهم و حكملي موعد يوم 22 افريل . دهبت و قمت بالفحوصات اللازمة مع اخد جميع الاوراق . خلصت 6850 دج. عدت بعد الظهيرة لاستلام مغلف كبير و يخبرك بعدم فتحه .... ملاحظة هامة : انصحكم بالتلقيح قبل المجيئ لأن اي تلقيح ناقص يديره ب الدراهم حوالي 1500 دج
- في الاسبوع الاخير قمت باعادة الاتصال بالضامن لي وعدني من قبل لكن بدون جدوى و حسب تجارب الاعضاء من قبل قررت ايجاد عنوان فقط و تعويض الضامن برصيد بنكي بالعملة الصعبة
الحمد لله لقيت صديق طلبت منو مدلي عنوان + واش يعمل + وكتاه دخل لامريكا + رقم الهاتف
اما بخصوص الرصيد البنكي فبقدرة الخالق استطعت جمع 4000 اورو .... ملاحظة هامة : انصكم بعدم سلك طريق الربا : كاين لي يكريلاك بعد 48 ساعة تردهوملو + فايدتو . ناس تربي ولات ما تفرقش بين الحلال و الحرام .
- وجدت كل الاوراق المطلوبة قبل يومين , يوم الاربعاء 30 افريل 2014 على الساعة 3 صباحا انطلقت بالسيلرة مع صديقي و مع الازدحام و عدم معرفتي الدقيقة بمكان القنصلية تاخرت ووصلت على الساعة 9:15 ’ دخلت فاراد الحارس الاستفسار فقلت له انه لدي معد على الساعة 8:30 فطلب مني الاسراع . الشباك الاول يطلب منك موعد المقابلة + بطاقة التعريف وو عطاني بادج دخلت به
بعدها سكانير و اجراءات امنية .... بعدها وصلت لقاعة المقابلة حيث وجدتها مملوءة . اخدت مني الموظفة الباسبور و عطاتني ورقة لترتيب الاوراق المطلوبة : شهدة الباكالوريا + شهادة الميلاد + شهدة اعفاء او تاجيل للخدمة الوطنية + شهادة عمل ان وجدت + اوراق الضامن + رصيد بنكي + صورتين ( مع الترجمة و صورة طبق الاصل ) . ثم تنتظر حتى ينادولك عبر مكبر الصوت من احد الشبابيك الخاصة .
- بعد حوالي 45 دقيقة حان دوري فدهبت للشباك مع اخد الاوراق مرتبة + مغلف عيادة الازهار فطلبت مني ان اسلمها الاوراق بعدها اخرجت لي اوراق التي بعثتها لكنتاكي فقالت لي هل تريد تغيير او اضافة . فقلت لها نعم
فاضفت الاسم الكامل لصديقي + العنوان + رقم الهاتف . بعدها سالتني هل انا غير متزوج و هل لدي اولاد ..... كان الحديث بالفرنسية بعدها طلبت مني الانتظار
- نادوني مرة اخرى و هده المرة من اجل تسديد المبلغ المطلوب 28050 دج . ثم الرجوع و الانتظار
- هده المرة ناداني رجل امريكي دو شعر طويل فبادرتة بالتحية بالفرنسية فرد علي بفرنسية منكسرة ثم تكلم معي بالانجليزية و استفسر هل استطيع التحدث بها فقلت له نعم لكن بمستوى متوسط فابتسم معي و اخد بصماتي عبر السكانير و طلب مني الانتظار في القاعة
- نادوني مرة اخرى و هده المرة فتاة جميلة كي شفتها طلعلي مورال فتحدثنا بالفرنسية :
طلبت مني رفع يدي و ان اقسم بان كل شيء مكتوب او ساقوله صحيح . فقمت بما يجب و نا نقول في قلبي القسم تاعكم ناس ملاح و ساهل كون جات فيزا يمدوها كي تحلف هكا كون درك الشعب الجزايري كامل عطاها هههههه
بعدها سألتني الأسئلة التالية : وكتاه ديت باك ؟ وش درت بيه ؟ وين رايح ؟ عند شكون ؟ و لاكان عنك واحد من العايلة لتم ؟ و واكتاه راح لأمريكا ؟ و واش يخدم ؟
هدا ماكان بعد وليت استنيت 5 دقائق و نادتني واحدة خلاف هنأتني و قاتلي بعد 15-20 يوم يجيك عبر UPS باسبور و فيه فيزا تع 6 اشهر لازم ندخل فيها لامريكا و قاتلي تاني مغلف لي يمدوهولك ما تحلوش و ما تحطوش مع الحقائب خليه معاك كي توصل ام يوجهوك لتم .
نصيحة : توكلوا على ربي و ما تستهزاوش على لورق و وجدو كلش قبل الوقت , يوم المقابلة البس مليح و ديما تضحك (مبتسم) و احفظ الدرس مليح واش راح تقول فبل ما تروح .... بخصوص اللغة ماهيش مشكل المهم ما تقلقوش و الله ما كان حاجة .
خاوتي طولت عليكم , الحمد لله على كل شيء ادعولنا معاكم برك و مبروك على لي ربحوا في DVL2015 و لعقوبة لي مازالو ان شاءلله